講波佬吹水台
真心無酸味之「雖然分手，見到你幸福，我都開心」
好多朋友睇馬介休都可能知道有個啊叔叫黑Gap/ Kevin，但啊叔我係電視台講波就應該無咩人知，因為講波佬好少出鏡嫁嗎!
對於雲膠爾時代的買人策略，好多曼迷都係唔好印象多，當中就包括左佢：
未做廢青之前，Depay以21歲之齡成為2015年荷甲神射手，揹住呢個榮譽加盟，好多人都對佢充滿期望，連費Sir收埋床下底個件7號仔都拎返出呢佢著。但可惜佢踢左成季都係入得兩球，係邊線到只係識做一條濕水毛巾-死扭爛扭。到摩佬上任時，直頭唔洗佢踢啦，叫佢睇波白出糧就算，Depay正式成為廢青。
係上年終於要同呢為廢青分手，但時至今日見到佢係法甲風山水起，作為一個曼迷，我真心一點酸味都無，因為佢終於搵返自己了!
有時同一個鍾意既人一齊就係咁嫁啦，會迷失自我，無晒霸氣。而家見返你做返最初時的你，真心為你高興。加油，呢幾年荷蘭國家隊靠你了!
呢球波真心勁啊! 補時絕殺PSG!
迪比射爆PSG，龍門基本上得個望字!
Search